...

Nazir: İnnovasiyaların tətbiqi aqrar sahədə xərcləri 20-30 faiz azalda bilər (YENİLƏNİB) (FOTO)

Biznes və iqtisadiyyat xəbərləri Materials 10 Dekabr 2018 11:15 (UTC +04:00)
Dünyada aparılan araşdırmalara görə, innovasiyaların tətbiqi nəticəsində aqrar sahədə istehsalat xərcləri 20-30 faiz azala, məhsuldarlıq isə 20-30 faiz arta bilər.
Nazir: İnnovasiyaların tətbiqi aqrar sahədə xərcləri 20-30 faiz azalda bilər (YENİLƏNİB) (FOTO)

Bakı. Hüseyn Vəliyev - Trend:

Dünyada aparılan araşdırmalara görə, innovasiyaların tətbiqi nəticəsində aqrar sahədə istehsalat xərcləri 20-30 faiz azala, məhsuldarlıq isə 20-30 faiz arta bilər. Nəticədə ərzaq məhsullarının maya dəyəri 50 faizədək ucuzlaşa bilər.

Trend-in məlumatına görə, bunu kənd təsərrüfatı naziri İnam Kərimov bu gün Azərbaycanda ilk dəfə “AgTech and Green Energy” aqrar və yaşıl texnologiyalar mövzusunda keçirilən beynəlxalq forumda deyib.

Nazirin sözlərinə görə, bununla məhsudarlığın artırılmasına nail olmaq mümkün olacaq ki, bu da ərzaq məhsullarının 45-50 faiz ucuzlaşmasına səbəb olacaq.

İ.Kərimov bildirib ki, bu gün ölkədə aqrar sektor iqtisadi inkişafın aparıcı istiqamətidir və son illərdə bu sahədə nəzərəçarpan nəticələr əldə olunub:

"Buna misal olaraq cari ilin 9 ayında ölkədə kənd təsərrüfatı məhsulları istehsalının 4,3 faiz artdığını göstərmək olar. Bundan başqa, Azərbaycan bu gün aqrar məhsulların ixracatçısına çevrilib".

Qeyd edək ki, Azərbaycanda ilk dəfə aqrar və yaşıl texnologiyalar üzrə “AgTech and Green Energy” mövzusunda beynəlxalq forum keçirilir.

“Yaşıl gələcək üçün innovasiyalar” şüarı ilə təşkil edilmiş forumun əsas məqsədləri Azərbaycanda kənd təsərrüfatı və enerji sahələrinin innovativ inkişafına nail olmaq, müxtəlif maraqlı tərəflər arasında əlaqələri gücləndirmək, dayanıqlı biznes modelləri və əlaqələr qurmaqdır.

Dünyanın 15-ə yaxın ölkəsindən 40-dək xarici mütəxəssisi bir araya toplayan forum “Energetika və aqrar texnologiyaların gələcəyi”, “Aqrar və yaşıl enerji üçün texnologiyalar”, “Aqrar və energetika texnologiyaları üzrə Akademiya”, “Siyasətin təsiri”, “Yeni innovativ ekosistemlər”, “Fermerlər üçün seksiya”, “Aqrar sahə və energetika üçün biznes: AgTech sessiyası”, “Aqrar sahə və energetika üçün biznes: Green Energy sessiyası”, “Startap və innovasiya ekosistemi seminarı” panelləri üzrə keçiriləcək.

Məqalədə:
Xəbər lenti

Xəbər lenti