Bakı. Trend:
Azərbaycan və Macarıstan bu il ikitərəfli ticarətdə rekord qırır.
Bunu Trend-ə özəl müsahibəsində Macarıstanın xarici işlər və ticarət naziri Peter Siyarto deyib.
“Çox yaxşı xəbərimiz var. Bu ilin 8 ayında Azərbaycanla Macarıstan arasında ticarət dövriyyəsi 100 milyon dollara yaxınlaşıb. Səkkiz ay ərzində ticarət həcmi hər hansı bir əvvəlki illə müqayisədə daha çox olmuşdur. Bu o deməkdir ki, biz bu il rekord qırırıq, bu, əladır. Biz bununla bağlı işimizi davam etdiririk”, - deyə nazir bildirib.
Macarıstan şirkətlərinin Azərbaycana korporativ sərmayələrinə gəlincə, Siyarto qeyd edib ki, enerji içkiləri istehsalçısı "Hell" ölkəyə 211 milyon dollar sərmayə qoyub.
“Bu şirkət sizin bazarda çox uğurludur və burada istehsal qurmaq istəyir. Ən böyük əczaçılıq şirkətimiz "Richter" sizin əczaçılıq şirkətlərinizdən biri ilə istehsal müqaviləsi imzaladı. Burada tibbi və əczaçılıq məhsulları da istehsal olunacaq. Beləliklə, Macarıstan şirkətləri investisiya qoymağa başlayıblar, ticarət rekordları qırır, üstəlik biz qaz alırıq. Bu, münasibətlərimizdə tamamilə yeni dövrdür”, - deyə o bildirib.
X: @Lyaman_Zeyn