Azərbaycan Milli Bankı Pakistanın milli kommersiya Bankına bank lisenziyalarını verilməsi barədə qərarı təsdiqləyib. Bankın rəhbəri Elman Rüstəmovun Trend ə verdiyi məlumata görə, belə bir qərar bu günlərdə qəbul olunub.
"Onlara iyulda lisenziya verilə bilər. O zaman Azərkredit bankı da lisenziya ala bilər. Hazırki anda sonuncu hələ öz admimnsitratorlarını bizə təqdim etməyib ", - deyə Rüstəmov qeyd edib.
Qeyd edək ki, Pakistanın Milli Bankının ilkin kapitallaşması 5,2 milyon dollar təşkil etməli idi. Planlaşdırıldığına görə, yeni bank şəhərin mərkəzində, "Bakı Soveti" metrosunun və Dövlət İqtisad Universitetinin yaxınlığında yerləşəcək.
Hazırda ölkədə 42 bank fəaliyət göstərir ki, iyulda onların sayı 44-ə çata bilər.