Azərbaycanın altı bankının fəaliyyəti faktiki olaraq səmərəsizdir. Azərbaycan Milli Bankından Trend ə bildirildiyi kimi, cari ilin birinci yarısının nəticələrinə görə, balans məlumatları nəzərə alınmamış iki bank istisna olmaqla, 6 bank hesabat dövrünü mənfi göstəricilərlə başa vurub. Bu strukturların çəkdikləri zərərin ümumi həcmi 7 877 mln manat təşkil edib.
Qeyd etmək lazımdır ki, ölkədə zərərlə fəaliyyət göstərən bankların sayı azalmaqdadır. Belə ki, 2004-cü ilin birinci yarısında bankların ümumi sayı 12, onların çəkdikləri zərər isə 13 305 mln manat dəyərində olub. Cari ilin əvvəllərində bu bankların sayı 14, onların düşdükləri zərər isə 39 372 mln manat təşkil edib. İlk üç ayın yekunlarına görə, onların sayı 12-yə enib, zərər isə iki dəfə azalaraq 17 924 mln manat olub.
Beləliklə, 2005-ci il ərzində zərərlə fəaliyyət göstərən bankların sayı 2 dəfə, zərərlərin həcmi isə 2,275 dəfə azalıb.