İqtisadi inkişaf nazirliyi (İİN) Oğuz Sərab səhmdar cəmiyyətinin aksiyalarının 98,4%-inin satışına investisiya müsabiqəsinin keçirilməsi barədə elan verib. Trend agentliyinə bildirilib ki, sənədlərin qəbulu və iddiaçıların təklifləri dekabrın 16-dək həyata keçirilir, onların qiymətləndirilməsinə isə 20dekabr 2005-ci il, saat 10.30-dan başlanılacaq.
Müsabiqədə yerli və xarici sərmayəçilər iştirak edə bilər.Üstünlük investisiyaların daha böyük həcmini nəzərdə tutan şirə, tərəvəz, konserv, şərab və digər spirtli içkilər istehsalında yüksək təcrübəsi olan iddiaçıya veriləcək. Təkliflər alqı-satqı müqaviləsinin imzalanmasından keçən 30 gün ərzində müəssisənin SC-nin investisiyalarının qoyulmasına planlaşdırılmış 5% aksiyalarının hesaba köçürülməsi zərurəti, dövlət büdcəsinə 185 mln. manat ($40,2 min) köçürülməsi, 34 mindən az olmayaraq özəlləşdirmə qəbzlərinin təqdim edilməsini nəzərə almalıdır. Təkliflərlə birgə iddiaçılar bank zəmanəti verməli, İİN-nin hesabına 60 mln. manat köçürməlidir.
Oğuz Sərab 1983-cü ildə istismara verilib.Bu müəssisə Oğuz rayonunun Yaqublu kəndində 22,09 ha torpaq sahəsində yerləşir.SC-nin nizamnamə kapitalı 1,22 mlrd. manat təşkil edir. Bu müəssisəyə hər biri nominal10 min manat olan 220019 aksiya buraxılıb. Müəssisənin maliyyə öhdəlikləri 1,2 mlrd. manat təşkil edir.
