Hazırda Biləcəridəki yuyulma və buxarlama stansiyasında tikinti-quraşdırma işləri aparılır. Azərbaycan Dövlət Dəmiryolu İdarəsinin (ADDİ) rəisi Arif Əskərov ekskluziv olaraq Trend ə bildirib ki, burada aparılan işlərin ilin sonuna kimi başa çatdırılması planlaşdırılıb.
Hazırda stansiyada quraşhdırma işləri aparılır. Stansiyanın yenidənqurulması burada smutka ərzində 250 sisternin daxili yuyulmasını həyata keçirməyə imkan verəcək. Həmçinin stansiyada sutkada 24 sisterinin xaricdən yuyulması üçün sex fəaliyyət göstərəcək.
Yeni stansiya sutkada 1000 kubmetr suyun təmizlənməsi və yenidən istifadə edilməsi imkanına malikdir. Yenidənqurma layihəsi Avropa Yenidən qurma və İnkişaf Bankının (AYİB) ayırdığı 4,2 milyon dollar kreditin hesabına həyata keçirilir.