Bank of Baku 2005-ci ilin 8 ayı ərzində görülən işlərə yekun vurub. Bankdan Trend ə verilən məlumata görə, bank hesabat dövrünü uğurlu maliyyə göstəriciləri ilə başa vurub. Bu gün o, Azərbaycanın 5 ən iri özəl bankı arasında aparıcı yerlərdən birini tutur.
Bank of Baku-nun 2005-ci il sentyabrın 1-nə aktivləri 244,5 mlrd manat, kredit portfelinin həcmi 154 mlrd manat, depozitlərin ümumi həcmi isə 181 mlrd manat olub. Cari ilin 8 ayı ərzində bankın xalis mənfəəti 9,2 mlrd manat təşkil edib.
Bankın Bakıda 4 filialı və bu yaxınlarda Sumqayıtda yeni açılmış bölməsi fəaliyyət göstərir. Sentyabr ayından başlayaraq bank və onun filialları Azərsell şirkətinin abonentlərinə abunə ödənişləri üzrə xidmət göstərir.
