Silk Way Airlines özəl Azərbaycan aviaşirkəti Daşkəndin Çkalov adına Aviasiya İstehsalat Birliyindən İl-76 təyyarəsi almağı planlaşdırır. Bu barədə Trend ə şirkətdən məlumat verilib.
Danışıqlar ilin sonuna kimi davam etdiriləcək və 2006-cı ildə şirkət İl-76 təyyarəsini alacaq. Bu, aviaşirkətin Çkalov adına İB-dən alacağı 3-cü təyyarə olacaq.
Təyyarənin dəyərinə gəldikdə, şirkət nümayəndəsi qeyd edib ki, hələlik dəqiq rəqəm müəyyən edilməyib, lakin dünya bazarında metalın qiymətinin qaxması, həmçinin, təyyarədə yeni mühərrik modellərinin tətbiq olunması ilə əlaqədar, onun qiyməti əvvəlkilərdən baha olacaq", - deyə nümayəndə əlavə edib. Belə təyyarə tipi $5-7 mln dəyərində qiymətləndirilir.
Silk Way Airlines şirkətinin 7 - 5 İl-76, 2 An-12BK təyyarələri var ki, bu da şirkətə dünyanın 52 ölkəsinə yük daşımaları həyata keçirməyə imkan verir.
