Oktyabrın 6-da Nijni Novqorodda Xəzər Dəniz Gəmiçiliyinin sifarişi ilə Rusiyanın "Krasnoe Sormovo" zavodunda inşa edilmiş "Şah İsmayıl Xətai" tankerinin təhvil-təslim sənədləri imzalanıb. Bu barədə Trend ə XDG-nin mətbuat katibi Vüqar Sadıqov bildirib.
Onun sözlərinə görə, sənədlər imzlandıqdan sonra gəmidə Azərbaycanın bayrağı qaldırılıb. "Tədbirdə Azərbaycanı XDG-nin baş mühəndisi Mustafa Mustafayevin rəhbərlik etdiyi nümayəndə heyəi təmsil edib. Oktyabrın 7-də gəminin Nijni Novqoroddan Bakıya yola düşməsi gözlənilir. 2 həftədən sonra tanker Bakıya çatacaq", - deyə V.Sadıqov qeyd edib. "Şah İsmayıl Xətai" suya iyulun 3-də buraxılıb, digər iki gəmi isə Bakıya oktyabr və noyabr aylarında çatacaq.
12 yük daşıyan tanka malik "çay-dəniz" dərəcəli gəmi xam neft və neft məhsullarının daşınması üçün nəzərdə tutulub. O, qəza zamanı neftin sızmasının qarşısını alan ikiqat örtüyə malikdir və onda eyni zamanda bir neçə neft məhsulunun daşınması mümkündür.
Belə tipli üçüncü tanker yük daşımalarının həcmini artırmağa imkan verəcək. Gəminin uzunluğu 152 m, eni - 17,3 m, bortun hündürlüyü - 10,5 m, yükgötürmə qabiliyyəti 13,8 min ton, dəyəri isə $13,5 milyondur.
19619 layihəsi üzrə birinci inşa edilən "Prezident Heydər Əliyev" gəmisi 2004-cü ilin noyabrında, "Babək" isə dekabrda istismara verilib. Hər iki gəmi TRACECA marşrutları üzrə hərəkət e
