Bu həftə ərzində Dünya bankı Ələt-Astara avtomobil yolunun yenidən qurulması layihəsi üzrə kredit sazişinin layihəsini Azərbaycan hökumətinə təqdim edəcək. Bu barədə Trend ə hökumətdən bildirilib. Missiyanın rəhbəri avtomobil yollarının inkişafı layihəsinin kuratoru Olivye Le Ber (Olivier Le Berr) Nəqliyyat nazirliyi ilə layihəninin texniki aspektlərini razılaşdırmaq məqsədilə noyabrın 30-dan Bakıdadır.
DB-nin prosedurlarına əsasən, aspektlərin razılaşdırılması və bankın Direktorlar Şurasına təqdim olunması üçün 2 ay vaxt tələb olunur. Layihənin həyata keçirilməsinə 2006-cı ilin aprel-may aylarından tez olmayaraq başlana bilər.
Azərbaycan hökuməti bu layihəyə $390 mln-na qədər vəsait cəlb etməyi planlaşdırır. Kredit vəsaitlərinin ümumi həcminin $230-240 mln-nun DB, $110-120 mln-nun Asiya İnkişaf Bankı, daha $40 mln-nun isə İran hökuməti tərəfindən güzəştli kredit şəklində ayrılması planlaşdırılır.
Layihənin texniki-iqtisadi əsaslandırılması İranın Basilo şirkəti tərəfindən hazırlanıb. Aparılmış işlər nəticəsində magistralın uzunluğu 268 km-dan 45-km-ya qədər azaldılıb. Hazırda şirkətin ekspertləri avtomagistralın iş (mühəndis) layihəsinin hazırlanmasını davam etdirirlər.
