Dekabrın 5-də AR nəqliyyat nazirliyində Ələt-Astara-İran sərhədi və Bakı-Şamaxı avtomobil magistralının inşası və yenidən qurulmasını əhatə edən macistral yolların ikinci layihəsinə dair Dünya bankının (DB) Olivye Le Berin (Olivier Le Berr) başçılıq etdiyi missiyası ilə danışıqlar başlayıb. Bu barədə Trend ə nazirlikdə bildirilib.
Hökumət nümayəndələrinin də iştirak etdiyi danışıqlarda Ələt-Astara avtomobil magistralının yenidən qurulması layihəsinə dair krkdit sazişinin imzalanması məsələsi müzakirə edilir. Müzakirələr dekabrın 7-də başa çatacaq.
"Bank layihənin gerçəkləşdirilməsi üçün $300 mln.-dək vəsait ayırmağa hazırdır. Son olaraq bu məsələ danışıqlar başa çatdıqda həll edilməlidir" -deyə nazirlikdə bildirilib. Azərbaycan tərəfi hesab edir ki, 2006-cı ilin aprelindən yolda inşa işlərinin başlanılması üçün kredit dekabrda təsdiq ediləcək.
Ələt-Astara-İran sərhədi avtomobil magistralının inşa və yenidən qurulması layihəsinin ümumi dəyəri $350 mln.təşkil edir. Layihə DB və AİB tərəfindən maliyyələşdiriləcək. Vəsaitin təxminən 3/2 hissəsini DB, qalan hisssəsini isə AİB təmin edəcək.
Yolun uzunluğu yeni dizaynla bağlı olaraq 46 km. azalıb. Artıq layihəyə dair bütün zəruri işlər planlaşdırılıb. Nazirlik 2006-cı ilin ortalarında tikinti işlərinin başlanılması üçün kredit sazişinin texniki sənədlərini hazırlamağı planlaşdırır.
