Yaxın vaxtlarda Avropa Yenidənqurma və İnkişaf Bankı mikro və kiçik biznesin inkişafı proqramına daha bir Azərbaycan bankını- Azəriqazbankı daxil etməyi planlaşdırır. Ötən ildən bu proqramda Azərdəmiryolbank, Respublikabank və UniBank iştirak edir. Azəriqazbankın İdarə Heyətinin sədri Azər Mövsümovun Trend ə verdiyi məlumata görə, ilkin razılaşmalara görə, Avropa bankı bank üçün 500 min dollar məbləğində kredit xətti açmağı planlaşdırır. AYİB bu vəsaiti kiçik və orta sahibkarlığın inkişafı üçün digər kredit xətti çərçivəsində təqdim etməyə hazır idi. Belə ki, bu proqram üzrə kredit müqaviləsi artıq bağlanıldığı üçün Azəriqazbank ona dəyişikliklər edilməsinə razılıq verməmişdi və bundan əlavə KOS üçün kreditin məbləği bunun nəticəsində azala bilərdi.
Kreditin alınması prosedurasını uzatmamaq üçün ikinci kredit xətti 2006-cı ilə qaldı. Bundan əlavə, Azəriqazbank auditinin başa çatmasından sonra AYİB-ə Azərbaycan bankı üçün 5,5 mln dollar məbləğində nəzərdə tutulmuş kreditin limitinin artırılması xahişi ilə müraciət etmək niyyətindədir. Lakin o tamamilə mənimsənilib. Azəriqazbank artıq AYİB-dən KOS üçün 3,5 mln dollar və ticarət maliyyələşdirilməsi üçün $2 mln alıb.
Kredit limiti nizamnamə kapitalından asılı olaraq müəyyən edilir. Qeyd edək ki, hazırda Azəriqazbankın nizamnamə kapitalı hazırda 5,8 mln AZN, ümumi kapitalı isə $8 mln-u keçir. Bankın səhmdarlarının fevralın 24-nə təyin edilmiş toplantısında gündəliyə NK-nın artırılması və onun hesabına səhmdarların 2005-ci ildəki dividendlərinin ödənməsi imkanları daxil edilib. Ötən ilin yekunlarına görə, bankın təmiz gəliri 7-7,5 mlrd manat məbləğində proqnozlaşdırılsa da 8 mlrd manat təşkil edib.
