Fevralın 3-zcü ongünlüyündə Visa International beynəlxalq ödəniş sisteminin Direktorlar Şurası UniBank-a tamhüquqlu üzv statusunun verilməsi məsələsinə baxacaq. Bu barədə Trend ə Visa-nın Moskva ofisinin MDB ölkələri üzrə regional meneceri Svetlana Georbelidze bildirib. Onun sözlərinə görə, bu gün Azərbaycanda ödəniş sisteminin 15 üzv bankından yalnız 3 bank (Beynəlxalq bank, Kapitalbank və Azərdəmiryolbank) onun tamhüquqlu üzvüdür.
Bu arada, ekvairinq (kartların POS-terminallarda qəbulu) lisenziyasını yalnız Beynəlxalq Bank və Kapitalbank alıb. S.Georbelidzenin sözlərinə görə, bu əməliyyatın keçirilməsinə ola bilsin ki, dövriyyəsi plastik kartların ümumi bazarının 5-10% -ni təşkil edən banklar da buraxıla bilər.
Müvafiq olaraq, prezidentin "Ödəniş sistemlərinin inkişafı üzrə Dövlət Proqramının reallaşdırılması ilə əlaqədar əlavə tədbirlə barədə" sərəncamının yerinə yetirilməsində hələləik iki bank daha fəal iştirak edir. Orada nəqdsiz hesablamaların inkişafı çərçivəsində iki il ərzində 30 min ticarət obyektində POS-terminalların yaradılması nəzərdə tutulub. Bu gün kartların qəbulu yalnız 1600 ticarət obyekti şəbəkəsində həyata keçirilir. Beynəlxalq bank 2006-dcı ildə yerləşdirməyi planlaşdırdığı 5 min terminal sifariş verib. Onların böyük hissəsi Bakıda quraşdırılacaq. Sifarişin bir hissəsi ötən ilin dekabrında alınıb və yanvar ayında quraşdırılıb.