Bakı banklararası valyuta birjası (BBIB) ticarət sistemində Təşkil olunmuş banklararası kredit bazarında (TBKB) market-meykerlərin qərarı ilə bütün banklararası kredit sövdələşmələrinin qeydiyyatı aparılacaq. Trend birjanın məlumatına istinadən bildirir ki, işçi qrupunun görüşündə həmçinin bəzi bankların HBES-ə on-line çıxışının təşkilində maneə olan bütün texniki məsələlərin təcili həll edilməsi zərurəti qeyd olunub. Bu məqsədlə bank market-meykerlər və BBIB-dən informasiya texnologiyaları sahəsində mütəxəssislərin görüşünün təşkili barədə qərar qəbul edilib.
Bu, market-meyker statusu almış bankların işçi qruplarının ikinci görüşü idi. BBIB-də keçirilən görüşdə bankların borclarının dərəcə təhlili, Azərbaycanın pul bazarında bu gün əsas indikator olan BakIBOR və BakIBID göstəriciləri təqdim edilib, yerləşdirmə dərəcələri və pul ehtiyatlarının cəlb edilməsi arasında marja, bazarın həcm xarakteristikası, market-meykerlərin müxbir hesablarındakı qalıqlar təhlil edilib. Görüş iştirakçılarının ümumi rəyinə görə, market-meykerlik institutunun tətbiq edildiyi andan (dekabr 2005-ci il) hərracların birja elektron sistemi (HBES) çərçivəsində fəaliyyət göstərən TBKB-də bank ərizələrinin indikativliyi, eləcə də banklararası kreditləşdirmənin həcmi xeyli artıb. Bundan başqa, market-meykerlərin əlavə ərizə pəncərəsi valyuta birjasına pul indikatorlarının gündəlik hesablamasına başlamağa imkan verir.1997-ci ildən BakIBOR (Baku Interbank Offer Rate) və BakIBID (Baku Interbank Bid Rate) indikatorları ayda iki dəfə BBIB tərəfindən hesablanıb.
TBKB 2002-ci ilin martından 26 kommersiya bankının iştirakı ilə fəaliyyət göstərir. Market-meykerlərin statusu BBIB tərəfindən yalnız bazarda mövcud payla məşğul olan 9 banka təklif olunub. 2005-ci ilin dekabrında imzalanmış sazişlərə əsasən, TBKB market-meykerləri pul bazarında əsas fiqurlara çevrilib.