2006-cı ilin yanvarında Azərbaycanda 106,2 mln. manatlıq tikinti işləri həyata keçirilib ki, bu da 2005-ci ilin göstəriciləri ilə müqayisədə 22,6 % çoxdur. Trend in Dövlət Statistika Komitəsinə istinadən verdiyi məlumata görə, inşaat sektorunda göstərilən xidmətlərin ümumi həcmindən dövlət müəssisələri tərəfindən 14,8 mln. manatlıq (14%) , özəl müəssisələr tərəfindən isə 91,4 mln. manatlıq (86%) iş həyata keçirilib.
Tikinti işlərinin ümumi həcmindən 81,9% və ya 87,1 mln. manatı yeni tikililərin, bərpa və genişləndirmə işlərinin, 11,7% və ya 12,4 mln. manatı əsaslı təmir işlərinin, 3,3% və ya 3,5 mln. manatı cari təmir işlərinin, 3,1% və ya 3,2 mln. manatı digər tikinti işlərinin payına düşüb.
Azərbaycan Milli Bankının məlumatına görə, 16.02.06 tarixdə dolların manata nisbətdə rəsmi kursu 0,9140 AZN təşkil edib.
