Azərbaycan hökuməti və Dünya bankı (DB) "Azərbaycanın institusional quruculuğuna texniki yardım" (IBTA-2) - DB-nin ikinci layihəsi üzrə kreditin təkrar strukturlaşdırılması ilə bağlı müzakirələrə başlayıb. Layihənin gerçəkləşdirilməsi qrupunda Trend ə bildirilib ki, layihədə qənaət olunmuş $5,14 mln. məbləğin "quş qripi" ilə mübarizəyə yönəldilməsi planlaşdırılır. Bu kredit ehtiyatlarının banka geri qaytarılması barədə qərar qəbul edilməsinə baxmayaraq vəsait xəstəliyin yayılmasının qarşısının alınması məqsədilə aparılan mübarizəyə yönəldiləcək.
Dünya bankından razılıq alınıb. Ayrıca layihənin hazırlanması yaxud komponentin IBTA-2 layihəsinə daxil olunması məsələsi həll edilir və benefisiar kənd təsərrüfatı Nazirliyi olacaq. Son variant müvəqqəti çərçivə nöqteyi nəzərindən daha məqbuldur. Əgər bu, qəbul olunsa, onda IBTA-2 layihəsinin gerçəkləşdirilməsi müddəti daha 1,5-2 il uzadılacaq, çünki layihə 2006-cı ilin 30 iyununda başa çatır. 7'47 mln. SDR ($10,6 mln.) dəyərində olan IBTA-2-nin istifadə olunmuş hissəsi $5,5 mln. təşkil edirdi və bu gün bundan $4,3 mln. mənimsənilib. Qalan hissə iyunadək sərf olunmalıdır.
İBTA-2 layihəsi 2002-ci ildə təsdiq edilib. Layihə öncə nəzərdə tutulmuş 10 komponentdən cəmi 4-nü əhatə edir. Gerçəkləşdirilənlər arasında dövlət idarəetməsinin gücləndirilməsi, dövlət maliyyə xərcləri üzərində nəzarət, sosial xərclərin dəyişdirilməsi və layihələrin idarə edilməsini qeyd etmək olar. Qənaət olunmuş vəsaitlər hesabına layihəyə mühasibat və audit sahəsində qanunvericiliyin təkmilləşdirilməsi vasitəsilə institusional potensialın gücləndirilməsinə dair yeni komponent daxil edilib.
