Azərbaycan Milli Bankının məlumatına görə, 2006-cı il martın 1-də Azərbaycanda fəaliyyət göstərən bankların ümumi kapitalı 25,5% artaraq 266,3 mln.AZN təşkil edib. Bu barədə Trend ə AMB-dan məlumat verilib. Hökumətin qərarı ilə əlaqədar olaraq ötən ilin dekabrında dövlət banklarının nizamnamə kapitalı artaraq 35,8 mln. AZN təşkil edib və bu göstərici bu ilin yanvar və fevral aylarında da saxlanılıb. Lakin özəl bankların NK-nın artımı iki ay ərzində 2,9% səviyyəsində müşahidə olunub və martın 1-dəki vəziyyətə görə, 230,5 mln AZN təşkil edib. Hələ ilin əvvəlindən banklar nizamnamə kapitallarının artırılmasına o qədər də tələsməyiblər. Çünki AMB-nın ümumi kapitalla bağlı normativ tələblərinin 2006-cı il iyunun 1-nə kimi yerinə yetirilməsinə hələ vaxt var. Bu gün hər bankın payına düşən NK-nın həcmi 6,1 mln. AZN təşkil edir .
Nizamnamə kapitalı 100% olan bankların payı il ərzində 1,2% azalmaqla 22,6 mln. AZN təşkil edir. Xarici kapitalla işləyən bankların xüsusi çəkisi bütün bankların NK-nin ümumi həcmdə martın 1-nə olan vəziyyət görə artaraq 32,9% -dən 42,6% -ə çatıb.
Azərbaycanda cəmisi xarici kapitalla işləyən 18 bank fəaliyyət göstərir ki, onlardan 7-sinin xarici kapitalda iştirak payı 50-dən 100%-ə qədər, 11-də isə 50%-ə qədər təşkil edir.