Bu aydan Azərbaycanın Nəqliyyat Nazirliyi Bakı şəhərində nəqliyyat infrastrukturunun işinin yüngülləşdirilməsi məqsədilə yeni körpülərin özüllərinin qoyulmasına başlanılacaq. Nazirlikdən Trend ə verilən məlumata görə, bütün körpülərin özülləri bu ilin iyun ayının sonlarına kimi qoyularacaq. Cəmisi 7 yeni körpünün təməlinin qoyulacağı ehtimal olunacaq.
Nazirlikdən verilən məlumata görə, hazırda aeroport istiqamətində avtomobil yolunun genişləndirilməsi layihələşdirilir. Noyabr ayında bu işlər başa çatdıqdan sonra tikinti işlərinə başlanılacaq.
Nazirliyin nümayəndəsinin sözlərinə görə, hazırda çoxlu sayda şirkətlər tikinti və layihələşdirmə üzrə tenderlərdə iştirak etməklə bağlı istəklərini bildirirlər. Onların arasında Türkiyə və Rusiyanın şirkətləri də var. Bu şirkətlər həm podratçı, həm də yerli şirkətlərin subpodratçısı kimi layihələrin reaollaşdırılmasında iştirak edə bilərlər.
Bütün bu işlər Azərbaycan prezidentinin "2006-2007-ci illərdə Bakı şəhərində nəqliyyat sisteminin təkmilləşdirilməsi haqqında" sərəncamı çərçivəsində həyata keçirilir. Nəqliyyat qovşaqları müasir texnologiyalara uyğun tikiləcək. Körpülər onlarda tıxacların yaranmasının qarşısını almaq məqsədirə svetoforlarla təchiz olunacaq. Nazirlikdən verilən məlumata görə, bu zaman şəhərdə tıxac probleminin tam həlli üçün nəqliyyat qovşaqlarının tikintisi davam etdirilməlidir.
Tikintilərin gedişində xarici şirkətlər məsləhətçi kimi cəlb oluna bilərlər.
