Bu gün Bank Standard 2006-cı ildə yeni depozitlərin və kredit vasitələrinin tətbiqi istiqamətində öz planını açıqlayıb. Trend in verdiyi məlumata görə, bankda aprelin 17-də keçirilən mətbuat konfransında müştəri xidmətləri üzrə Departamentin direktoru Cahangir Axundov əvvəlcə aprelin 1-dən iri qiymətğli mükafatların oynanıldığı yeni səhmlər barədə məlumatlandırıb. Bu əmanətlər üzrə depozit portfelinin həcmi ötən dövr ərzində $350 min çoxalaraq artıq $6 mln. təşkil edir. Bu zaman ümumi portfel 15 gün ərzində $2 mln. olub.
Bank Standard dövriyyəyə 1 illik dövriyyə və gəlirliyi ildə 12% olan adlı depozit sertifikatlar buraxıb. Emissiyanın həcmi hər bir sertifikatın nominal üzrə dəyəri 10 min dollar olan $2 mln. təşkil edir.
Bankın İdarə heyətinin sədrinin birinci müavini Cavid Quliyev kredit vasitələri, ipoteka kreditləşməsi bazarında iştirak barədə danışıb. Artıq ilk ipoteka krediti verilib və yaxın vaxtlarda bank Azərbaycan İpoteka Fonduna ipoteka kreditinin alınması üzrə 15-17 müracitət təqdim etmək niyyətindədir. Onun sözlərinə görə, prosesin başlamasından banka kredit almaq üçün şifahi şəkildə müraciət edənlərin sayı 2 minə çatsa da, lakin sənədlərini real olaraq təqdim edənlərin sayı əhəmiyyətli olaraq azdır. Bank hələlik ipoteka kreditləşməsi üzrə öz proqramı üzərində fikirləşmir. Çünki bunun üçün əvvəlcə maliyyə mənbələrini müəyən etmək lazımdır. Bank tərəfindən cəlb olunan vəsait aşağı dərəcə üzrə ipoteka krediti verməyə imkan vermir. Ona görə də xaricdən maliyyələşdirməyə ehtiyac yaranır. Lakin BMİ tərəfindən bu istiqamətdə təkliflər hələ yoxdur. Asiya inkişaf Bankı imtina edib, QİƏB isə hələ Azərbaycanda ipoteka kreditinin reallaşdırılmasına başlamayıb. Bank Standard bu gün ipoteka kreditlərini 12 % illik dərəcə üzrə büdcə vəsaitlərinin hesabına verir.
Müştərilərin rahatlığını təmin etmək üçün bank hətta bir gün ərzində rəsmiləşdiriləcək fast-kreditlər təklif etmək niyyətindədir. Belə kreditlərin minimal ölçüsü $200, maksimal ölçüsü isə $1 min təşkil edəcək. Yeni kredit məhsulları arasında müddəti 1 ildən 2 ilədək, məbləği $3 mindən $30 minədək olan express-kreditlər gözlənilir.
