BMT-nin Ərzaq və Kənd Təsərrüfatı - FAO (Food and Agriculture Organization of the United Nations) proqramının təşkil etdiyi konfransda iri beynəlxalq maliyyə institutlarının, Avropa Yenidənqurma və İnkişaf Bankının, Beynəlxalq Kənd Təsərrüfatının İnkişafı Fondunun (IFAD) və digərlərinin iştirak edəcəyi gözlənilir.
Kənd Təsərrüfatı Nazirliyindən Trend ə verilən məlumata görə, hazırda mayın 30-da Bakıda keçiriləcək konfransın tədbirlər planı dəqiqləşdirilir. Tədbir "Azərbaycanda kənd təsərrüfatının investisiya iqlimi" mövzusuna həsr olunub.
Konfransın əsas məqsədi xarici şirkətlərin, maliyyə institutlarının, ölkənin aqrar sektoruna donor təşkilatların cəlb edilməsi, bu istiqamətdə layihələrin reallaşdırılmasından ibarətdir.
Qeyd edək ki, Azərbaycan 1995-ci ilin oktyabrından FAO-nun üzvüdür.
