Dövlət Statistika Komitəsi dövlət statistikasının gələcəkdə təkmilləşdirilməsi üzrə 5 illik yeni dövlət proqramının işlənməsinə başlayıb. Bu barədə Trend ə Dövlət Statistika Komitəsinin sədri Arif Vəliyev məlumat verib.
Hazırda qüvvədə olan "Azərbaycanda statistikanın inkişafı" beşillik proqramının müddəti 2007-ci ildə başa çatır. A.Vəliyev hesab edir ki, bu gün Azərbaycanda dövlət statistika sistemi 95% beynəlxalq standartlara uyğun olsa da, onlar da təkmilləşdirilir. Bu, artıq statistika sahəsində həyata keçirilən sayca 3-cü proqramdır.
Komitənin rəhbəri hesab edir ki, orada qarşıda qoyulan bütün tapşırıqlar yerinə yetirilib. Dövlət proqramında nəzərdə tutulan tədbirlər 3 maliyyə mənbəyinin hesabına - dövlət büdcəsi, TASİS ES proqramı çərçivəsində texniki yardım, İsveçin Statistika Bürosu vasitəsilə həyata keçirilir. Hər il dövlət büdcəsi hesabına bu məqsədlər üçün orta hesabla 300-500 mln. manat vəsait ayrılır.
Komitə dövlət proqramı çərçivəsində nəzərdə tutulan tədbirlər çərçivəsində gələn il sahələrarası balansın işlənməsi üçün hazırlıq işlərinə başlamağı planlaşdırır. "Artıq hökumətə 2009-cu ildə əhalinin növbəti siyahıyaalınmasının keçirilməsi barədə təklif təqdim edilib", - deyə A.Vəliyev bildirib.
Gələcəkdə Komitə indiyə kimi sistemin mürəkkəbliyi ilə bağlı milli hesabların təkmilləşdirilməsi və maliyə hesablamalarının tərtibi sahəsində işləri yoluna qoymağı planlaşdırır. A.Vəliyevin fikrincə, Rusiyadan başqa, MDB məkanında onu heç kim etmir. "Əgər o, Azərbaycanda tərtib edilərsə, onda milli hesablar bizdə tam formalaşacaq. BMT-nin statistika komitəsinin tövsiyələrinə və Rusiyanın təcrübəsinə əsaslanmağa hazırlaşırıq", -deyə Dövlət Statistika Komitəsinin rəhbəri bildirib.
