Azərbaycan və ABŞ arasında iqtisadi əməkdaşlığı genişləndirmək üçün Amerika Dövlət Departamentinin ticarət və biznes məsələləri üzrə xüsusi nümayəndəsi Frenk Mermoud iqtisadi inkişaf naziri Heydər Babayevlə görüşündə xarici biznes üzrə Məsləhət Şurasının yaradılması ilə bağlı təklif irəli sürüb. Trend in Nazirliyin məlumatına istinadən xəbər verdiyi kimi, görüşdə F.Mermoud toxuculuq, kənd təsərrüfatı sahələrində əməkdaşlıq, avadanlıq və maşınlarla təmin etmə üzrə Amerika şirkətlərinin böyük imkanlarını qeyd edib.
Görüşdə H.Babayev hər iki ölkə arasında qarşılıqlı əlaqələrin genişləndirilməsi, ticarət sahəsində, o cümlədən neft sektorunda potensialdan səmərəli istifadədə Azərbaycanın hər cür dəstək göstrəməyə hazır olduğunu bildirib. İndiyədək Amerika şirkətləri Azərbaycanın Xəzər regionunda və Cənubi Qafqazda gerçəkləşdirdiyi transmilli layihələrdə fəal iştirak edib. Bakı-Tiflis-Ceyhan neft və Bakı-Tiflis-Ərzurum qaz kəmərlərinin tikintisində də bu şirkətlərin rolu böyükdür.
Görüşün yekunları üzrə qonaq Heydər Babayevi ABŞ-a dəvət edib. ABŞ-a səfər etməklə nazir amerikalı iş adamlarını qeyri-neft sektorundakı mövcud imkanlar haqqında məlumatlandıraraq çox fayda verəcək.