Torpağının dəyərinin qiymətləndirilməsi mövcud olmadan torpaq vergisi ilə əmlak vergisini birləşdirmək məqsədəuyğun deyil. Belə bir mövqedən Azərbaycanın vergilər nazirinin müavini Azər Bayramov çıxış edib. "Bunu vaxtından əvvəl etmək olmaz. Buna digər tərəfdən baxmaq lazımdır. Bu gün torpaq vergisi kənd təsərrüfatı məhsulları istehsalçılarına aid edilir. Lakin onlar torpaq vergisindən başqa bütün digər vergilərdən azad ediliblər. Bu iki vergi növlərini birləşdirməklə kənd təsərrüfatı istehsalçılarına hansı vergi ödənişi mexanizminin tətbiq ediləcəyi məlum deyil", - deyə A.Bayramov bildirib.
Yaxın vaxtlarda kənd təsərrüfatına güzəştlərin aradan qaldırılmasının nəzərdə tutulmadığını nəzərə alsaq, iki verginin bir növdə birləşdirilməsi səmərəli olmaz. Vergi tətilinin 5 illik müddəti 2 ildən sonra başa çatır və hökumət onun müddətinin gələcəkdə uzadılmasını nəzərdən keçirir. "Bu, kənd təsərrüfatı üçün güzəştləri dolayı subsidiyalar hesab edən BVF ilə danışıqlarda nəzərdən keçirilən məsələlərdən biridir", - deyə nazir müavini bildirib.
