Mayın 16-da AB-nin TACIS proqramı Bakıda Azərbaycan sosial müdafiə sistemində islahat layihəsinin təqdimatını keçirməyi planlaşdırır. Avropa evindən Trend ə verilən məlumata görə, AB layihənin reallaşdırılması üçün 1 421 340 avro ($1 558 337) ayırıb və o, 2 il üçün nəzərdə tutulub. Layihənin sahibi Əmək və Əhalinin sosial müdafiəsi Nazirliyidir.
Layihənin əsas məqsədi dövlət strukturunun yoxsulluqla mübarizə və əhalinin yoxsul və aztəminatlı təbəqələrinə sosial yardımın göstərilməsinə yardımından ibarətdir. Layihə 4 komponentdən - Azərbaycanda sosial yardımın inkişafı üzrə strategiyaya hazırlıqdan, sosial yardım üzrə genişləndirilmiş metodların və yoxsulluğun azaldılması üzrə təcrübənin işlənməsi, yoxsulluğun azaldılması üzrə treninqlərin keçirilməsi və yoxsul təbəqə kateqoriyasına daxil olan və sosial yardım alan əhalinin məlumatlandırılmasının genişlənməsi.
Mərasimdə əmək naziri Füzuli Ələkbərov, layihənin və işçi qrupunun rəhbəri, eləcə də AB-dən layihənin rəhbəri Timo Piraynen iştirak edib.
