Bu gün Almaniyanın İqtisadiyyat və Texnologiya Nazirliyinin Şərqi Avropa, Mərkəzi Asiya və Qafqaz regionları üzrə nümayəndəsi Peter Hartidin başçılığı ilə iş adamlarından ibarət nümayəndə heyəti Bakıya gəlib. Trend agentliyinə İqtisadi İnkişaf Nazirliyindən verilən məlumata əsasən, nümayəndə heyətinin tərkibinə konsaltinq, informasiya texnologiyaları, elektrik texnikası, maşınqayırma, tikinti, kimyəvi sənaye və tibbi avadanlıq sahəsində ixtisaslaşmış 18 alman şirkətinin nümayəndələri daxildir.
Alman iş adamlarının iştirakı ilə mayın 23-də Azərbaycan-Almaniya biznes forumu keçiriləcək ki, bu tədbir çərçivəsində ikitərəfli görüşlər təşkil olunacaq.
Forumdə təxminən 60 Azərbaycan şirkətinin nümayəndəsi iştirak edəcək.