Milli Məclisin regional məsələlər daimi komissiyasında 7 qanuna və Torpaq Məclələsinə dəyişikliklərin edilməsi ilə bağlı müzakirələr aparılıb. Bu barədə Trend ə adıçəkilən komissiyadan bildiriblər.
Qeyd edək ki, komissiyada "Torpaq icarəsi haqqında", "Sahibkarlıq fəaliyyəti haqqında", "Torpaq bazarı haqqında", "Energetika haqqında", "Elektroenergetika haqqında", "Dövlət qulluğu haqqında", "Bələdiyyə torpaqlarının idarə edilməsi haqqında" qanunlara və Torpaq Məcəlləsinə əlavə və dəyişikliklərin edilməsi müzakirə olunub.
Həmin qanunların bəzi müddəalarının Konstitusiyaya və Mülki Məcəlləyə uyğunlaşdırılması nəzərə alınmaqla dəyişikliklərin edilməsi vacib sayılıb. Sənədlər parlamentin müzakirəsinə təqdim edilib.
