"Milli Məclisdə "Fiziki şəxslərin əmanətlərinin sığorta edilməsi haqqında" qanun layihəsinin müzakirəyə qoyulması ilə Azərbaycanda qeyri-dövlət pensiya fondlarının yaradılmasında ilk addım atılıb" - deyə Əhalinin Dövlət Sosial Müdafiə Fondunun sədri Səlim Müslümov jurnalistlərə bildirib. O hesab edir ki, qeyri-dövlət fondlarında yığımların sığorta edilməsi də hər hansı bir qanun layihəsində əksini tapmalıdır. Bundan sonra özəl pensiya fondlarının yaradılmasına start verilə bilər.
S.Müslimovun dediklərinə görə, 2005-ci ilin avqustunda hökumətə təqdim olunmuş "Qeyri-dövlət pesnsiya fondları haqqında" qanun layihəsinin qəbulunadək bu layihənin qüvvəyə minməsi üçün şərait yaradılmalıdır ki, bu da öz əksini hüquqi bazada tapmalıdır. Məhz bu səbəbdən özəl pensiya fondlarının yaradılması məsələsi ləngiyir.
Fondların fəaliyyətini tənzimləyən qanun layihəsinin yaradılması posesində digər ölklərin təcrübəsi öyrənilməlidir. Hazırda Prezident Aparatında məsələ ilə əlaqədar iş gedir. "Azərbaycan əhalisinin artıq maliyyə piramidalarından zərər çəkdiyini nəzərə alsaq, bu, çox incə məsələdir.Ona görə əvvəl özəl pensiya fondlarında toplanacaq vəsaitlərin sığorta edilməsi məsələsi həll olunmalıdır" - deyə S.Müslimov qeyd edib.
