2006-cı ilin yanvar-may ayları ərzində Azərbaycan Standartlaşdırma, Metrologiya və Patent üzrə Dövlət Agentliyi qida sənayesi sahəsində fəaliyyət göstərən 189 müəssisədə araşdırma aparıb. Trend in xəbər verdiyi kimi, bu barədə Agentliyin rəhbəri Ramiz Həsənov məlumat verib.
Onun sözlərinə görə, bu müəssisələrin 89-u fəaliyyətlərinin standartlara uyğun olmaması ilə bağlı iddia məktubu alıb.
"Bu müəssisələr öz fəaliyyətlərini dayandırmalı və müvafiq şərtlərlə bərpa etməlidir. Müəssisələrə müvafiq işlərin görülməsi üçün 30 gün vaxt verilir. Bu müddət bitən kimi agentlik obyektlərə təkrar baş çəkəcək və yaxşılığa doğru heç bir dəyişiklik olmasa, bu müəssisələrə qarşı iddia verilməsi istisna olunmur", - deyə agentliyin rəhbəri qeyd edib.
