2006-cı ilin yanvar-may aylarında Azərbaycanın 117 ölkə ilə ticarət əməliyyatlarının həcmi $4138586,5 min təşkil edib. Trend agentliyinin Dövlət Gömrük Komitəsinə istinadən yaydığı məlumata əsasən, bu müddət ərzində 1484 növ mal üzrə $2472465,6 min həcmində ixrac həyata keçirilib. İdxal olunmuş 4749 növ malın dəyəri isə $1666120,9 min təşkil edib. Beləliklə, ixrac-idxal əməliyyatları üzrə $806344,7 min həcmində müsbət saldo formalaşıb.
İxrac əməliyyatlarının həcmi ötən ilin müvafiq dövri ilə müqayisədə 133,49% ($1413538,7 min) artıb, idxal əməliyyatlarının həcmi isə əksinə 5,87% ($103867,5 min) azalıb.