Sentyabrın 7-də Dünya Bankının Direktorlar Şurasında bankın Azərbaycanla tərəfdaşlıq strategiyası (2006-09-cu illər) təsdiqlənəcək. Bu barədə Trend ə DB-nin Bakı nümayəndələyindən xəbər veriblər.
Beynəlxalq İnkişaf Assosiasiyası (BİA) üzv ölkələrinin qiymətləndirmələrinə görə, 2007-ci il üzrə Azərbaycan üçün güzəştli kreditlərin həcmi 79,4 milyon ABŞ dolları məbləğində nəzərdə tutulub. Strategiyanın ümumi dəyəri təxminən 1,2 milyard ABŞ dolları məbləğində qiymətləndirilir. Vəsaitlərin böyük hissəsi maliyyələşdirmənin həcminə heç bir məhdudiyyət qoymayan Beynəlxalq yenidənqurma və inkişaf bankının (BYİB) xətti ilə ayrılacaq.
2006-cı il üzrə maliyyə ili 70 milyon ABŞ dolları məbləğində nəzərdə tutulurdu, lakin nəticədə ölkə BİA vəsaitlərindən üç layihə - kənd təsərrüfatının inkişafı və kreditləşdirmə, məhkəmə və səhiyyə sistemində islahatlar üçün 105 milyon ABŞ dolları ala bildi.
