İqtisadi İnkişaf Nazirliyi Barmeklə bağlanmış müqavilə üzrə "Sumqayıtelektrikşəbəkə"nin idarəsinə görə öhdəliklərin yoxlanılması üçün komissiya yaradıb
İqtisadi İnkişaf Nazirliyi Barmek Azerbaijan şirkətinin "Sumqayıtelektrikşəbəkə" SC-nin idarəsinə görə müqavilə öhdəliklərin yerinə yetirilməsinin yoxlanılması üçün komissiyanın yaradılması barədə qərar qəbul edib. Bu barədə Trend ə iqtisadi inkişaf nazirinin müavini Mikayıl Cabbarov bildirib. Onun sözlərinə görə, yoxlama gələn həftədən başlanacaq.
Dünənə qədər komissiya yalnız "Bakıelektrikşəbəkə"nin idarəsi çərçivəsində müqavilə öhdəliklərinin yoxlanışı ilə məşğul idi. "Bu yoxlama zamanı aşkar olunub ki, iki müqavilə üzrə bəzi məqamlar üst-üstə düşür. Xüsusilə də, hər iki elektrik şəbəkəsi üzrə maliyyə hesabatlarının birləşdirilməsi düzgün deyil, çünki şirkətin bu şəbəkələrin idarəsi üzrə fəaliyyəti iki müxtəlif müqavilə ilə tənzimlənir. Müvafiq olaraq da, maliyyə hesabatları ayrıca aparılmalıdır", - deyə nazir müavini bildirib.
O yoxlamaların nə qədər çəkəcəyini deməyə çətinlik çəkdi, bu işin həcmindən və komissiyanın xahişi ilə Barmek tərəfindən məlumatların təqdim olunma sürətindən asılı olacaq.
M.Cabbarovun sədrliyi altında yoxlamanın keçirilməsi üçün dövlət komissiyası yaradılıb. Komissiyanın tərkibinə İqtisadi İnkişaf, Vergilər, Maliyyə, Ekologiya, Əmək və Əhalinin Sosial Müdafiəsi Nazirliklərinin, Dövlət əmlakının idarə olunması üzrə Dövlət komitəsinin, "Azərenerji" SC-nin nümayəndələri daxildir.
