TACIS-in "Beynəlxalq standartların neft avadanlığının istehsalına tətbiqi üzrə yardım" layihəsi çərçivəsində "Azneftkimyamaş" SC və onun tərkibinə daxil olan üç zavodun rəhbərliyinin iştirakı ilə Fransaya təlim səfəri ediləcək. Bu barədə TACISin milli koordinasiya bürosundan Trend ə xəbər veriblər.
Qrupa SC-nin idarə heyətinin sədri Əli Qaraxanov, Sabunçu Elmi İstehsalat Birliyi, "Bakı Fəhləsi" maşınqayırma zavodu və Balaxanı maşınqayırma zavodunun idarə heyətinin sədrləri, benefisarın layihəsi üzrə koordinatoru, layihə qrupunun rəhbəri Paolo Bokaletti və layihənin yerli koordinatoru daxildir.
Səfər iştirakçıları öir sıra görüşlər keçirib ki, burada müvafiq sahənin qabaqcıl təcrübəsi öyrənilib və mümkün əməkdaşlığın istiqamətləri müəyyənləşdirilib. Xüsusilə, reduktorlan istehsal edən Lufkin Comelor şirkətində olarkən SC-nin nümayəndələri "Bakı Fəhləsi" zavodu üçün reduktorların alınmasına maraq göstərib.
İskənə istehsalı üzrə Iarel/Cristal Profor şirkətinə baş çəkmə iskənə istehsal edən Balaxanı maşınqayırma zavodu üçün çox vacibdir.
Lufkin Comelor və Iarel/Cristal Profor-da təşkil olunmuş təqdimat mərasimlərindən sonra gələcək əməkdaşlığın imkanları müzakirə olunub və "Azneftkimyamaş" danışıqların davam etdirilməsi üçün Bakıda zavodlara baş çəkməyə dəvət etmək niyyətindədir.
AETS-RENCO-ADAPTE konsorsiumun lideri olan AETS/APAIE şirktəində layihənin direktoru və menecerlərlə görüş keçirilib. Onlar layihənin gerçəkləşdirilməsi gedişindən razılıq ifadə edib. "Azneftkimyamaş"ın nümayəndələri TACIS/ENP proqramları çərçivəsində zavodlarının məhsullarının sertifikatlaşdırılması üzrə layihələrə maraq göstərib.
Total şirkətində qrup Azərbaycan, Qazaxıstan və Türkmənistan üzrə vitse-prezidentlər və texniki məsələlər üzrə müşavirlə görüşüb. Total və "Azneftkimyamaş" Xəzər regionundakı fəaliyyəti barədə məlumatı təqdim edib.
Benefisiar səfərin nəticələrini yüksək qiymətləndirib və vurğulayıb ki, bu səfər nəinki təlim, həm də işguzar səfər kimi təşil edilib. Xüsusilə qeyd olunub ki, bu növ səfərlər birliyin müəssisələrində qabaqcıl təcrübənin tədbiqinə və əlaqədar müəssisələrin əməkdaşlıq və işguzar münasibətlərinin qurulmasına köməklik göstərəcək.
-in 500 min avro həcmində olan "Beynəlxalq standartların neft avadanlığının istehsalına tətbiqi üzrə yardım" layihəsi TACIS-in 2002-ci il Milli Fəaliyyət Proqramı çərçivəsində həyata keçirilir. Layihə 2005-ci ilin iyulun 3-də başlayıb. Layihənin müddəti 18 aydır. Layihənin podryatçıları AETS-RENCO-ADAPTE konsorsiumudur.