Azərbaycanda Ümumdünya Gömrük Təşkilatının kontrafakt medikamentlərin dövriyyəsinə həsr olunmuş regional seminarı keçiriləcək. Trend in Azərbaycan Dövlət Gömrük Komitəsinə istinadən xəbər verdiyi kimi, ÜGT-nin gömrük əməkdaşlığı Şurasının Brüsseldə keçirilmiş növbəti iclasında tədbirin 2007-ci ilin fevralında Azərbaycanda keçirilməsinə dair qərar qəbul edilib. Qeyd edək ki, bu iclasda DGK sədri Aydın Əliyevin başçılıq etdiyi nümayəndə heyəti iştirak edib.
Azərbaycan tərəfi seminarın təşkilinə İNTERPOL, Ümumdünya Səhiyyə Təşkilatı, Müəllif Hüquqları üzrə Agentlik və bir sıra digər beynəlxalq təşkilatların cəlb olunmasını təklif edib. Artıq bununla bağlı İNTERPOL və Ümumdünya Səhiyyə Təşkilatının razılığı alınıb.
Dünyanın iri əczaçılıq şirkətlərinin seminarın sponsoru qismində çıxış edəcəyi gözlənilir.