Vergilər Nazirliyinin məlumatlarına əsasən, 2006-cı il iyulun 1-nə olan vəziyyətə görə vergi orqanlarında sahibkarlıqla məşğul olan 230,9 min fiziki şəxs uçota alınıb. Dövlət Statistika Komitəsindən Trend ə verilən məlumata görə, onların sayının artırılması yeni iqtisadi əlaqələrin formalaşması sürətinin artması, mövcud infrastrukturun yeniləşməsilə izah olunur.
Onların böyük hissəsi (120 min və ya 52%-i) topdan və ya pərakəndə satışda, avtomobil, məişət əşyaları və şəxsi istifadə əşyalarının təmiri ilə məşğuldur. Kənd təssərüfatında 22 min (9,5%), nəqliyyat və rabitə sahəsində - 35 min (15,1%), emal və hasilat sənayesində - 8 min (3,4%), mehmanxana və restoran biznesində 10 min (4,1%), maliyyədə - 426 sahibkar (0,2%) işləyir.
Vergi orqanlarında uçota durmuş fiziki şəxslərin böyük hissəsi paytaxtda işləyir. Onların sayı 79 min (34,2%) təşkil edir. Fəallığı ilə fərqlənən digər iqtisadi rayon isə Arandır. Bunların ardınca Gəncə-Qazax iqtisadi rayonu (11,2%), Lənkəran (6,8%), Quba-Xaçmaz (6,5%), Şəki-Zaqatala (6,2%) və başqaları gəlir.
