Gələn həftə Rostovda Azərbaycan, Rusiya və Gürcüstan dəmir yolçularının görüşü keçiriləcək. Tədbirdə Azərbaycan ərazisi vasitəsilə Rusiyanın Mahaçqala limanından Gürcüstanın Batumi limanına neft məhsullarının çatdırılması müzakirə olunacaq. Bu barədə Trend ə Azərbaycan Dövlət Dəmir Yolu idarəsindən xəbər veriblər.
Bu gün Gürcüstandakı problemlər və lokomotiv çatışmazılığı üzündən Azərbaycan Mahaçqala limanından Batumi limanı istiqamətində gündə təxminən 3 200 ton türkmən dizel yanacağı və mazut göndərmək iqtidarındadır.
Lakin müqaviləyə əsasən, Rusiya gündə 4 min ton neft məhsulu çatdırır. Nəticədə vaqonların bir hissəsi lokomotiv gözləyir.
Rusiya tərəfi həmçinin Rusiyadan gətirilən yüklərin Azərbaycan ərazisilə daşınması üçün 5 lokomotiv vermək öhdəliyini götürüb. Bu məsələ də müzakirə predmeti olacaq.