Dövlət Statistika Komitəsi (DSK) 2006-cı ilin birinci yarımili ərzində ölkə iqtisadiyyatına qoyulan xarici investisiyaların həcmi üzrə ilkin məlumatları təsdiqləyib. DSK-dan Trend ə verilən məlumata əsasən, xarici investisiyaların həcmi ötən ilin müvafiq dövrü ilə müqayisədə 10,5% artaraq $2128,9 mln. təşkil edib. Bunun 88,3%-i ($1879 mln.) birbaşa investisiyalar, 10,6%-i ($226,7 mln.) isə maliyyə kreditləri şəklində yatırılıb.
Ötən ilin müvafiq müddətinə nisbətən neft-qaz sektoruna qoyulan investisiyalar 5,7% azalıb. Bü dövr ərzində birgə və xarici kapitala malik müəssisələr neft sektoruna $77,2 mln. vəsait yatırıb. Bunun 53,4%-i ($41,2 mln.) sənaye, 14%-i ($10,8 mln.) - tikinti, 16,1%-i ($12,4 mln.) - ticarət və xidmət sahəsi, 5,2%-i ($4 mln.) - nəqliyyat və rabitə sahəsinə yönəldilib.