...

UniBank və AYİB sindikatlaşdırılmış kredit üzrə saziş imzalamaq niyyətindədir

Biznes və iqtisadiyyat xəbərləri Materials 4 Sentyabr 2006 15:15 (UTC +04:00)

Trend-i buradan izləyin

Bu həftə Avropa Yenidənqurma və İnkişaf Bakı (AYİB) ilə Azərbaycanın UniBank kommersiya bankı arasında kredit sazişinin imzalanması mərasimi olacaq. Bu barədə Trend ə Avropa bankının Bakı nümayəndəliyinin başçısı Reymond Konvey məlumat verib. UniBank-a 7,5 mln. dollar həcmində sindikatlaşdırılmış kredit xətti açılacaq.

Adıçəkilən sindikatlaşdırmada Avropa bankının iştirak payı 3 illiyiə 2,5 mln. dollar təşkil edəcək. 5 mln. dollar dəyərində kreditin ikinci hissəsini sindikatlaşdırmanın digər iştirakçıları maliyyələşdirəcəklər. Kredit vəsaiti kiçik və orta sahibkarlığın inkişafına sərf olunacaq. Standart şərtlərə uyğun olaraq, kredit resurslarının silah alverində, tütün və spirtli içki məhsullarının istehsalında istifadəsi qadağandır.

R. Konveyin sözlərinə görə, imzalanma mərasimində iştirak etmək üçün maliyyə institutları üzrə qrupun bankiri Sardor Umurzakovun başçılığı ilə Avropa bankının missiyası Bakıya gələcək.

Bu, kiçik və orta biznesin dəstəklənməsi üçün AYİB-in Azərbaycan bankı üçün təşkil etdiyi ikinci sindikatlaşdırılmış kreditdir. Birinci sindikatlaşdırmada Avropa bankı ilə yanaşı "Austrian Creditanstalt" və "Anglo-Romanian Bank" bankları iştirak edib. 5 mln. dollar məbləğində 3 illiyə ayrılmış birinci sindikatlaşdırılmış kredit üzrə müqavilə UniBank-la 2005-ci ilin aprelin 8-də imzalanıb. Kredit xəttinin 1,5 mln. dolları AYİB tərəfindən ayrılıb. Adıçəkilən kredit xətti tam mənimsənilib.

Xəbər lenti

Xəbər lenti