...

Azərbaycan QTİB Direktorlar şurasında iştirak edir

Biznes və iqtisadiyyat xəbərləri Materials 9 Oktyabr 2006 13:18 (UTC +04:00)

Trend-i buradan izləyin

Bu gün Salonikidə (Yunanıstan) Qara dəniz ticarət və inkişaf bankının (QTİB) Direktorlar şurasının növbəti toplantısı keçiriləcək. İqtisadi İnkişaf Nazirliyindən Trend ə verilən xəbərə görə, həmin görüşdə Azərbaycanı QTİB-də ölkə üzrə direktor, iqtisadi inkişaf nazirinin müavini Mikayıl Cabbarov təmsil edir.

Toplantının gündəliyinə Qara dəniz təşkilatının üzv-ölkələri arasında əməkdaşlığın inkişaf perspektivləri, gələcək illərdə QTİB-nin fəaliyyət proqramının hazırlanması ilə bağlı məsələlər daxildir. M.Cabbarov həmçinin QTİB maliyyə resursları hesabına Azərbaycanda həyata keçirilən layihələri və bankın ölkədəki fəaliyyətinin genişləndirilməsini müzakirə edəcək.

QTİB və Azərbaycan arasında əməkdaşlıq 2005-ci ilin mart ayında bankın Direktorlar şurasında təsdiq edilmiş strategiya əsasında qurulur. Yeni strategiya növbəti üç il üçün nəzərdə tutulub, lakin orada maliyyələşdirmə həcmləri göstərilməyib. Maliyyələşdirmə həcmləri hələ ölkənin üzvlük haqqlarının ödənilməsi üzrə öhdəliklərin yerinə yetirilməsindən asılıdır.

Azərbaycanın bankdakı payı 6 mln. SDR təşkil edir, bundan 2 mln. SDR AR-in QTİB-nin üzvlüyünə qəbul olunması haqqında Sazişin təsdiqlənməsindən dərhal sonra ödənilməli idi. O vaxt (2000-ci ildə) Azərbaycanın maliyyə çətinlikləri var idi, ona görə də borcların ödənilməsi bu il başa çatdı.

Azərbaycanın QTİB-nin üzvlüyünə qəbul olunması haqqında Saziş 2000-ci ildə təsdiq edilib, lakin bu günə qədər yalnız Azərbaycan banklarının - Beynəlxalq Bank, Texnikabank, "Respublika" bankı, Azərdəmiryolbank, Kapitalbank, UniBankın layihələri maliyyələşdirilib. ABB üçün 6,5 mln. ABŞ dolları məbləğində kredit xəttindən başqa, QTİB şüşə zavodunun tikintisinin 5 mln. avro məbləğində maliyyələşdirilməsi haqqında qərar qəbul edib. Bundan əlavə, QTİB Azərbaycan mikromaliyyələşdirmə bankının səhmdar kapitalında iştirak payına malikdir.

Xəbər lenti

Xəbər lenti