Azərbaycan Sahibkarlarının Milli Konfederasiyası Azərbaycan-Ukrayna Ticarət və Sənaye Palatası ilə əməkdaşlıq haqqında saziş imzalayıb. Trend in xəbər verdiyi kimi, həmin sənəd ikitərəfli münasibətlərin inkişafı və koordinasiyasını nəzərdə tutur.
Azərbaycan-Ukrayna Ticarət və Sənaye Palatası ölkələrimiz arasında müxtəlif sahələrdə münasibətlərin inkişafı və iş adamları arasında əlaqələrin qurulması məqsədilə yaradılıb.
2006-cı ilin dekabrında Ukraynanın iş adamlarının Azərbaycana səfəri planlaşdırılır. Həmin səfər zamanı Azərbaycan-Ukrayna hökumətlərarası birgə komissiyasının qəbul etdiyi qərarların həyata keçirilməsi çərçivəsində biznes forumun keçirilməsi nəzərdə tutulub. Forumda Ukraynanın yeyinti və kənd təsərrüfatı sahəsindən 20 nümayəndənin iştirakı gözlənilir.
