Oktyabrın 1-nə qədər Azərbaycanda pambıq yığımı 67,2 min ton həcmində həyata keçirilib, bu isə 2005-ci ilin həmin dövrü ilə müqayisədə 42,2% azdır. Trend Dövlət Statistika Komitəsinin məlumatına istinadən xəbər verir ki, məhsul istehsalının azalmasının əsas səbəblərindən biri keçən ilə nisbətən 8,7% və ya 9,7 min hektar az sahədə əkin aparılması olub.
Saatlıda 15,3 min ton, Sabirabadda - 7,5 min ton, İmişlidə - 6,7 min ton, Bərdədə - 6,6 min ton, Biləsuvarda - 5,2 min ton pambıq yığılıb və satılıb.
2005-ci ildə Azərbaycanda təxminən 200 min ton pambıq yığılıb və ən yüksək məhsul Bərdə, İmişli və Saatlıda müşahidə olunub. Burada ən yüksək məhsuldarlıq hər hektara görə 20-dən 22,5 sentnerə qədər təşkil edib.
Azərbaycanda pambıq ölkənin 21 rayonunda, o cümlədən Salyan-Muğan, Qarabağ və Şirvan iqtisadi rayonlarında becərilir.
