2008-ci ildən etibarən Azərbaycan Beynəlxalq inkişaf assosiasiyasının (BİA) xətti ilə Dünya bankının güzəştli kreditlərini alan ölkələrin kateqoriyasından kənar oluna bilər. Bu barədə Trend ə ölkənin Maliyyə Nazirliyindən məlumat verilib. Bu o deməkdir ki, ölkə DB-nin güzəştli kreditlərindən məhrum ola bilər, belə ki, Azərbaycan iqtisadi inkişafın indiki şəraitində artım tempinə görə bankın müəyyən etdiyi adambaşına düşən gəlir limitini keçə bilər. Bankın səviyyəsi var, bundan sonra ölkənin Beynəlxalq Yenidənqurma və İnkişaf Bankından (BYİB) borc alma imkanı nəzərdən keçirilir.
DB-nin təcrübəsi belədir ki, hər iki şəraitdə borc götürən ölkələr onlar BİA-nın kreditlərini sosial layihələr üçün istifadə etməyə üsğünlük verirlər, infrastruktur layihələri isə, əsasən, BYİB-nin resursları ilə maliyyələşdirilir. Dünya standartlarına görə orta gəlir səviyyəsi olan ölkələrdə BYİB kreditləri kənd təsərrüfatından başlamış infrastruktur layihələrinə qədər istənilən sahələrdə layihələr üçün istifadə olunur.
BİA-nın üzv-ölkələrinin qiymətləndirmələrinə əsasən, 1 iyul 2006-cı ildən başlayan 2007-ci maliyyə ili üzrə Azərbaycan üçün güzəştli kreditlərin həcmi 79,4 mln. ABŞ dolları həcmində nəzərdə tutulub. Tərəfdaşlıq strategiyasının ümumi dəyəri təxminən 1,2 mlrd. ABŞ dolları məbləğində qiymətləndirilir. Vəsaitlərin böyük hissəsi maliyyələşdirmə həcmində heç bir məhdudiyyət qoymayan BYİB-nin xətti üzrə ayrılacaq.
Yeni strategiyanın noyabr ayının sonunda təsdiq olunacağı ehtimal olunur. Maliyyə Nazirliyində hesab edirlər ki, bu istiqamətdə heç bir problem yoxdur və maliyyə naziri Samir Şərifovun Sinqapura gəldiyi zaman DB və BVF idarə edənlərinin illik toplantısında strategiya üzrə də müzakirələr aparılıb.
2006-cı maliyyə ili üçün ilkin olaraq 70 mln. ABŞ dolları nəzərdə tutulurdu, lakin nəticədə ölkə BİA-nın vəsaitlərindən üç layihə - kənd təsərrüfatının inkişafı və kreditləşmə, məhkəmə və səhiyyə sistemində islahatlar üzrə layihə üçün 105 mln. ABŞ dolları almağa nail olub.