Asiya inkişaf bankı (AİB) QİÇS-lə mübarizədə qeyri-hökümət təşkilatları üçün qrant proqramının ikinci raundunun həyata keçirilməyə başladığını bildirib. AİB-nin Bakı nümayəndəliyindən Trend ə verilən xəbərə görə, proqram bankın üzv-ölkələri üçün 14,3 mln. ABŞ dolları ayırmış İsveç hökümətinin maliyyə dəstəyi ilə reallaşdırılır.
Vəsaitlərin bir hissəsi (8,6 mln. ABŞ dolları) regional texniki yardım çərçivəsində, qalan hissəsini isə AİB qrant qismində QİÇS probleminin həllində qeyri-hökümət təşkilatlarının layihələrinin reallaşdırılması üçün ayıracaq.
QHT-nin hər layihəsinə ən çoxu 50 min ABŞ dolları ayrıla bilər. Proqramın 30 sentyabr 2006-cı ildə başa çatan birinci raundu çərçivəsində QHT layihələri noyabrın 30-a qədər yığılacaq. Onlar üzrə qərar AİB-nin Manilada yerləşən mərkəzi tərəfindən qəbul olunur.
