...

Avropanın Qonşuluq Siyasəti çərçivəsində Milli Fəaliyyət Planı noyabrın 14-də təsdiqlənəcək

Biznes və iqtisadiyyat xəbərləri Materials 16 Oktyabr 2006 15:00 (UTC +04:00)

Trend-i buradan izləyin

Noyabrın 14-də Brüsseldə Avropa Birliyi-Azərbaycan əməkdaşlığı Şurasının iclasında Avropanın Qonşuluq Siyasəti çərçivəsində Milli Fəaliyyət Planının təsdiqlənəcəyi gözlənilir. Avropa Birliyinin Azərbaycana texniki yardım (TACIS) proqramının koordinasiya bürosunun icraçı direktoru Əsgər Ələkbərovun Trend ə verdiyi məlumata görə, bu barədə razılıq Avropa Birliyi üçlüyünün oktyabrın əvvəlində Azərbaycana səfəri zamanı əldə olunub.

Fəaliyyət planı 7 ili əhatə edir. Ə. Ələkbərovun sözlərinə görə, fəaliyyət planı yalnız Avropa Birliyinin vəsaitləri hesabına yerinə yetirilməyəcək, çünki planda Azərbaycan tərəfinin yerinə yetirməli olacağı çoxlu sayda öhdəliklər var. Bunun üçün digər donor vəsaitlərinin cəlbi gözlənilir.

Adıçəkilən sənəddə Avropanın Qonşuluq Siaysətinin əsas istiqamətləri - iqtisadi inteqrasiya, intensiv siyasi və mədəni əlaqələr, eləcə də sərhədyanı əməkdaşlıq nəzərdə tutulub. Hər bir tərəfin mövqeyinə əsasən, fəaliyyət planında AR hökumətinin həyata keçirdiyi geniş miqyaslı islahatlar, qanunvericiliyin təkmilləşdirilməsi, iqtisadi və siyasi sahələrdə Avropaya inteqrasiyanın sonrakı illərdə, eləcə də ilkin şərtləri öz əksini tapıb.

Xəbər lenti

Xəbər lenti