Yanvar-sentyabr aylarında Naxçıvan Muxtar Respublikasına ayrılmış vəsaitlərin həcmi 92634,6 min manat təşkil edib. Bu, 2005-c ilin analoji dövrü ilə müqayisədə 5,1% çoxdur. Bu barədə Trend ə NMR-in Bakıdakı daimi nümayəndəliyindən məlumat verilib.
Bu dövr ərzində tikinti-quraşdırma işlərinə yönəldilmiş sərmayələrin həcmi 4,9% artaraq 79130,9 min manat olub. Bu göstərici ümumi sərmayələrin 85,4%-nə bərabərdir.
Nümayəndəlikdən bildirilib ki, bu dövr ərzində NMR-in tikinti müəssisələri 68648,8 min manat məbləğində xidmət göstərib ki, bu da 2005-ci ilə olan göstərici ilə müqayisədə 1,4% çoxdur. Həyata keçirilmiş tikinti işlərindən 50427 min manat (73,5%) yeni tikililərin, yenidənqurma və genişləndirmə işlərinin, 15530,4 min manat (19,8%) - əsaslı təmir, 1377 min manat (2,1%) - cari tikinti işlərinin, 1314,4 min manat (1,9%) - digər tikinti işlərinin payına düşür.
Yanvar-avqust aylarında 4222 nəfər tikinti sahəsində işlə təmin olunub. Bu, ötən ilin həmin dövrü ilə müqayisədə 14,5% çoxdur.