Azərbaycanda kənd təsərrüfatının ən gəlirli sahələrindən birinə - üzümçülüyə maraq artır. Dövlət Statistika Komitəsinə istinadən Trend bildirir ki, 2006-cı il dekabrın 1-i üçün ölkədə üzüm yığımı 82,2 min ton təşkil edib ki, 2005-ci il göstəricisi ilə müqayisədə bu, 4,7 min ton (6 faiz) çoxdur. Naxçıvan Muxtar Respublikasında üzüm yığımı 13,6 min ton, Şəmkirdə 19,9 min ton, Ağstafada 4,3 min ton, Xaçmazda 4 min ton, Kürdəmirdə 3,7 min ton, Şamaxıda 3,4 min ton, Şəkidə 3 min ton və Salyanda 2,9 min ton olub.
Həmin üzüm həcminin 4,7 min tonu emal üçün təqdim edilib. Emal üçün üzüm həcmi Xaçmazda 2,7 min ton, Göyçayda 1 min ton, Kürdəmirdə 457 ton, Şəmkirdə 280 ton təşkil edib.
