Yanvarın sonunda Bakıda Azərbaycan höküməti ilə Asiya İnkişaf Bankının yeni mexanizmi- Multitranche Financing Facility- çərçivəsində maliyyələşəcək yol layihəsi barədə son danışıqlar aparılacaq. Bankın Bakı təmsilçiliyindən çərşənbə günü Trend ə verilən məlumata görə, bununla bağlı yanvarın sonuncu həftəsində, Xonq Vanqın rəhbərliyi ilə AİB-in nəqliyyat departamenti missiyasının ölkəyə səfəri gözlənilir.
Asiya bankı ötən ilin noyabrında Azərbaycana bu mexanizm çərçivəsində yol layihəsinə 500 mln. dollar təklif edib və Nəqliyyat Nazirliyi maliyyələşə biləcək layihələri hazırlamalıdır. Danışıqlar bu təkliflər çərçivəsində aparılacaq.
150-200 mln. dollar ölçüsündə ilk tranş Masallı-Astara avtomagistralının yenidən qurulmasına ayrılacaq. Bunun təsdiqlənməsi 2007-ci ilin ilk yarısında gözlənilir.