Trend xəbər verir ki, 2006-cı ildə Naxçıvan MR-də 70443,6 min manat həcmində məhsul istehsal edilib və xidmət göstərilib ki, bu da 2005-ci il göstəricisindən 64,2% çoxdur. Ümumi istehsal strukturunda 73,3% (51652,1 min manat) məhsul istehsalının, 26,7% (18791,5 min manat) xidmət göstərilməsinin payına düşür.
Sənaye istehsalının 0,4%-ni hasilat, 77,%-ni emaledici sənaye təşkil edir, 22,3% isə elektrik enerjisi və su istehsalı və paylanması ilə məşğul olan müəssisələrin payına düşür. Bunlar üzrə artım müvafiq olaraq 8,1%, 69,7% və 48,7% təşkil edib.
Sənaye sahəsində özəl sektorun payı 54267,4 min manat, dövlət sektoru üzrə 16176,2 min manat təşkil edib. Dövlət sektorunda məhsul istehsalının artımı 12,8%, özəl sektorda isə 70%-dən artıq təşkil edib.
Bu dövr ərzində sənaye sahəsində məşğul olan şəxslərin sayı 4500 nəfərdən artıq olub. İşçilərin orta aylıq əmək haqqı 121,8 manat təşkil edib.