İpoteka kreditləşməsində yeni qanunların liberalizasiyası Azərbaycanda mənzilə olan qiymətlərin aşağı düşməsinə səbəb ola bilər. Bu barədə Trend ə Koneko Ltd şirkətinin direktoru Azər Babayev bildirib.
Şirkət girov qoyulmuş əmlakın qiymətləndirilməsi və məsləhətləşmə xidməti göstərir.
Ekspertin sözlərinə görə, ipoteka kreditlərinin verilmə mexanizminin sadələşdirilməsindən sonra mənzillərə olan tələbat bir neçə dəfə artıb. O, hazırda panel evlərinə olan qiymətin yeni tikilmiş evlərin qiymətinə yaxınlaşdığını qeyd edib.
2007-ci ilin yanvarında "Əmlak bazarı iştirakçıları" ictimai birliyi tərəfindən aparılmış monitorinq ötən mövsümlərlə müqayisədə iqtisadi göstəricilərin kəskin dəyişilməsini göstərib.
Satılan əmlakın orta qiyməti artmaqda davam edir və artım 4,2% təşkil edir. İkinci dərəcəli yaşayış yerlərinə orta artım qiyməti 5,0% təşkil edib və bu göstərici ötən illə müqayisədə kifayət qədər yüksəkdir (2006-cı ilin yanvarında iknci dərəcəli yaşayış yerlərinə qiymət artımı 0,6% təşkil edib).
