Azərbaycan, Bakı/ Trend müxbir S.Bababyeva/ Yanvar - fevral aylarında Naxçıvan MR-ə 12 mln. manat investisiya qoyulub. NMR-in Bakıdakı daimi nümayəndəliyindən verilən məlumata görə, bu göstərici ötən ilin müvafiq dövrü ilə müqayisədə 2 dəfə artıb.
Bu dövr ərzində tikinti-quraşdırma işlərinə yönəldilmiş investisiyalar 2,6 dəfə artaraq 11,5 mln. manat təşkil edib. Bu, ümumi investisiyanın 95,6 faizini təşkil edir.
Nümayəndəlikdən verilən məlumata görə, yanvar-fevral aylarında NMR-in tikinti müəssisələri tərəfindən təqribən 940 min manat məbləğində işlər görülüb ki, bu da 2006-cı ilin müvafiq dövrü ilə müqayisədə 2,2 dəfə çoxdur.
Tikinti işlərinin 6484 min manatı (73,4 faiz) yeni tikinti, yenidənqurma və bərpa işlərinin payına, 1768,6 min manatı (18.8 faiz) tam təmir işləri, 615,4 min manat isə (1.3 faiz) digər işləin payına düşüb.
2007-ci ilin yanvar ayı ərzində tikiti müəssisələri əməkdaşlarının sayı 2,5 dəfə artaraq 6117 nəfər təşkil edib.
