Azərbaycan, Bakı/ Trend müxbir İ.Xəlilova/ Azərbaycanın Lizinq Şirkətləri Assosiasiyası "Lizinq haqqında" qanunun yeni redaksiyada işlənilməsinə hazırlaşır. Bu barədə Assosiasiyanın vitse-prezidenti Azər Məmmədov məlumat verib. 1993-cü ildə qəbul olunmuş normativ akt qüvvədən düşüb. Onun fikrincə, indiki Mülki və Vergilər məcəllələrinin müddəalarını təshih etmək yeni qanun hazırlamaqdan daha çətindir. Bunu isə köhnənin əsasında etmək lazım gələcək, belə ki, o daha savadlı yazılıb.
"Mən Azərbaycanda ACDI VOCA rəhbərliyi ilə danışdım və bu beynəlxalq təşkilat bu istiqamətdə yardım göstərməyə hazır olduğunu bildirib. Bununla belə, onun "Mikromaliyyələşdirmə haqqında" qanun layihəsinin hazırlanmasınada təcrübəsi var",-deyə A.Məmmədov hesab edir.
Lizinq qanununun yenilənməsinə ehtiyac isə hazırda dünyada mövcud olan bir çox lizinq növ və yarımnövlərinin Azərbaycan qanunvericiliyində əks olunmamasında irəli gəlir. Buna görə də bu cür xidmətlərin tətbiqində Azərbaycanın lizinq şirkətlərinin fəaliyyətində çətinliklər yaranır. "Lizinq haqqında" qanun təcrübədə, dünyada baş verənlərə, bu günkü innovasiyalara bilavasitə yaxınlaşmağa imkan yaradacaq.
"Qanun bizə bu ideyaları həyata keçirməyə imkan verməlidir",-deyə A.Məmmədov hesab edir.